A comitiva dos "scholarum" desfila polo centro de Lugo

A festa en Lugo toca á súa fin. Este domingo é o último día do Arde Lucus, que remata como comezou, con múltiples actividades para o público infantil.

O alumnado de nove centros educativos da cidade participou no desfile dos scholarum que comezou ás once da mañá. 

Moitas familias ían ao completo, mesmo con bebés en carros adaptados. Tamén desfilaban os cans, algúns caracterizados. Cada colexio levaba as súas cores e deseños, ambientados na época da invasión romana.

Esta tarde continúan as actividades, máis de catrocentas, entre elas o acto final das lexións celtas e romana e, como peche, un concerto de Tanxugueiras na praza de Santa María.