Condenada por maltrato animal a muller que vivía con 17 cans na Graña

Condenada por maltrato animal a muller que convivía en condicións insalubres con 17 cans nunha vivenda do barrio ferrolán da Graña. O xuíz considéraa autora de 16 delitos consumados continuados de maltrato animal doméstico e imponlle unha pena de 9 meses de prisión, así como a inhabilitación para a tenza de animais durante dous anos e sete meses.

Canda ela vivía o seu irmán, que quedou absolto pero con liberdade vixiada. Ambos os dous foron diagnosticados coa síndrome de Dióxenes e coa síndrome de Noé, acumulación de animais.