Os camaróns e os percebes encabezan a lista de produtos máis caros do mercado

Os coruñeses que deixaron as compras do menú das festas do Nadal para esta fin de semana  atoparon os prezos algo máis caros que a comezos do mes. 
No mercado da Praza de Lugo algún marisco chegou aos 200 euros o quilo.

O máis caro é o camarón pero tamén é verdade que un quilo de camarón cunde coma dous de cigalas. E o percebe que vai entre os 65 e os  250 e tes para elexir o que queiras, di unha praceira.

As cigalas pagáronse a uns 95 euros o quilo pero non son o máis demandado.

"O produto estrela é a centola".

"A centola vai hoxe a 50  e 55, subiu si, porque non hai centola. Este ano hai moi pouca", contan dúas vendedoras.

As praceiras confirman o encarecemento de todos os produtos do  mar.
 

"Pode que arredor dun vinte por cento. Nos dous días que quedan ata o  Nadal poida que os prezos suban algo máis ou que se manteñan,  depende tamén do que entre"

"Algo subiu pero tamén inflúen os temporais e moitas cousas, no só porque sexan as festas", din.
 

Pescada, peixe sapo e robaliza son os peixes que teñen máis saída.

"Eu prefiro fresco, conxelado non me gusta. Prefiro unha roda pequena e comela fresca".
 

Os que apostan pola carne teñen alternativas algo máis económicas.

Lacón asado, xamón, rollo de carne recheo está triunfando este ano.  A miña clientela tira máis polo cordeiro para fin de ano. Está a 25 euros o quilo. O cabrito vai a 30, que case non hai, di unha carniceira.