Controlado o incendio declarado nunha planta de reciclaxe en Lousame
Controlado o incendio declarado nunha planta de reciclaxe en Lousame
As lapas queimaron chatarra almacenada ao aire libre dentro das instalacións
FOTO: Bombeiros de Boiro
Bombeiros de Boiro e de Ribeira, xunto ao GES de Noia, lograron controlar o incendio declarado ás 17:50 horas deste domingo nunha planta de reciclaxe de Servia, no concello de Lousame.
Segundo informa o 112, varios particulares avisaron que saía fume e cheiraba a queimado na zona exterior das instalacións, situadas na parroquia de Lesende. As lapas queimaron chatarra almacenada ao aire libre.
Até o punto tamén se desprazaron a Garda Civil, voluntariado de Protección Civil de Lousame, profesionais de Urxencias Sanitarias e autoridades ambientais da Xunta.
Controlado o lume declarado esta tarde nunha planta de reciclaxe en Lousame.
— 112 Galicia (@112Galicia) January 19, 2025
➡️ Ardeu chatarra almacenada ao aire libre dentro das instalacións.
🔗 https://t.co/CSiTsYij8B https://t.co/hyQ5P4YdvD
