Os bombeiros evitan que se estenda o incendio nunha vivenda da Agra do Orzán

Un incendio calcinou este sábado un cuarto nunha vivenda da Agra do Orzán. As catro persoas que estaban dentro do piso puideron saír polo seu pé e os bombeiros extinguiron o lume antes de que se estendese ao resto da vivenda.

Foi no último andar dun edificio da rúa Luis de Camoens. O lume comezou, segundo declararon os habitantes, nun aparato calefactor e afectoulle a todo o cuarto e incluso ao exterior da vivenda na fachada que dá ao patio de luces.
O resto do edificio non quedou danado e tampouco foi preciso desaloxar a veciñanza.