Cortes nos trens Ferrol-Asturias por desprendementos de terra na vía férrea

O xestor de infraestrutura ferroviaria Adif viuse obrigado a interromper este sábado a circulación de trens entre Ferrol e o Principado de Asturias, por mor dun desprendemento de terra con caída de árbores sobre a vía férrea.

Segundo informa Adif nun comunicado, o desprendemento tivo lugar no tramo comprendido entre Ortigueira e Viveiro, no que hai unha vía de ancho métrico.

A firma estatal apunta que prevé activar un plan alternativo de transporte por estrada para todos os viaxeiros afectados nunha xornada de temporal de vento e choiva.