Costas amplía ao 31 de xaneiro o prazo para desaloxar o poboado da ponte da Pasaxe

Costas prorroga o prazo de desaloxo para as familias que seguen vivindo no asentamento chabolista da ponte da Pasaxe.

O 31 de xaneiro é a nova data para que os que aínda quedan nas chabolas, as abandonen. A prórroga atende unha demanda dos Servizos Sociais do Concello para que todos os residentes marchen de forma voluntaria.

Cando remate o desaloxo porase fin a un asentamento que naceu hai 35 anos. Os terreos son de dominio público e Costas quere acondicionalos como parte dos traballos de recuperación da ría do Burgo.