Coudet: "Búscanse titulares dende a problemática"

O adestrador do Celta Chacho Coudet compareceu ante os medios de comunicación tras o empate dos vigueses ante o Levante e expresou o seu malestar polas últimas polémicas xurdidas dende a contorna do club vigués:

"Teño a sensación que sempre estamos buscando unha problemática. Que si os xuvenís... Creo que estamos facendo as cousas ben. Non necesito interlocutores co presidente. Aínda temos que salvar a categoría. Xa nos prepararemos para outras cousas. Séguense buscando titulares e sempre dende a problemática. Nun club onde nos levamos moi ben. Non entendo que se busquen problemáticas. Semella que sempre hai mensaxe negativa. Estou ben co club, coa directiva, cos xogadores ... Sempre parecía que sobre as miñas palabras había un problema. Deixei de falar e hoxe volvo facelo. Hai que resaltar o que se ve no campo. Na conferencia de prensa antes do partido do que menos falamos é de fútbol. Non hai ningún problema, rapaces".