Coudet insiste en que o do Español foi un aviso de alerta

O Celta viaxou esta tarde a Bilbao á busca dun triunfo que o achegue á salvación, e que despexe as pantasmas que apareceron en Cornellá.

A expedición, coa única baixa de Hugo Mallo por lesión, saíu logo da última sesión de adestramento en Afouteza. Eduardo Coudet volveu insistir en que a imaxe da última xornada é un sinal de alerta para que os seus se centren nos sete partidos que faltan.

O primeiro, o de mañá en San Mamés onde, ademais, intentarán reconciliarse co gol. E é que nas últimas catro xornadas, só marcaron un. En parte, polas boas actuacións dos porteiros.