Giráldez tira do filial no último adestramento da semana

O equipo do Celta completou este xoves a súa última sesión de adestramento antes de gozar de tres días de descanso, coa presenza de catro xogadores do filial -Fer López, Yoel Lago, Dela, Tincho Conde e Manu Fernández- como principal novidade.

A todos eles coñéceos Claudio Giráldez da súa etapa á fronte da Celta Fortuna. O técnico galego aproveitou a ausencia dos internacionais que viaxaron coas súas seleccións -Óscar Mingueza (España), Hugo Sotelo (España sub-21), Carl Starfelt (Suecia) e Tasos Douvikas (Grecia)- para subir ao primeiro equipo a algunhas das promesas da canteira celeste.

No adestramento desta mañá, o estadounidense Luca da Torre, único futbolista do primeiro persoal que aínda non debutou na Liga, volveu a traballar ao mesmo ritmo que os seus compañeiros, mentres que Sergio Carreira e Jailson Marques, os outros dous lesionados, realizaron traballo individual.