Cristóbal Parralo: "O de hoxe non ten ningunha xustificación"
Cristóbal Parralo: "O de hoxe non ten ningunha xustificación"
"Nunca me pasa pola cabeza renderme", asegurou o técnico ao preguntarlle polo seu futuro
Moi tocado no seu ánimo estaba Cristóbal Parralo ao final do partido entre o Rácing e o Oviedo que perderon os departamentais por 1-5. O adestrador expresouse dun xeito moi contundente: "O de hoxe non ten ningunha xustificación".
Ao preguntarlle polo seu futuro descartou dimitir: "Nunca me pasa pola cabeza renderme. Hai que seguir loitando e traballando. Estou tocado polo xeito de perder, é o que máis doe. Non se pode dar esta imaxe", dixo un Cristóbal que non puxo ningunha pega á derrota do seu equipo.
"Non é falta de actitude. Hai que analizar o que pasou porque non se pode repetir. Fallou todo, non tivemos esa forza para competir que se precisa", concluíu un Cristóbal que pasa polo peor momento desde que chegou á Malata.
