Cuarta xornada de paros parciais dos funcionarios de Xustiza pola falta de acordo

A folga dos funcionarios de Xustiza continúa despois de que sindicatos e o ministerio non chegaran a un acordo. O departamento de Pilar Llop rexeita a suba salarial que piden, e sinala as comunidades autónomas que tamén teñen competencias de Xustiza.

Os sindicatos consideran "decepcionante esta primeira reunión co Ministerio de Xustiza, que se presentou sen ningunha proposta económica en firme, polo que as posicións están moi alonxadas e o comité non vai desconvocar ningunha mobilización", segundo o responsable de Xustiza de CSIF.

Á folga están chamados uns 45.000 funcionarios en toda España.