Culleredo estrea un novo feirón para os cuartos xoves do mes
Culleredo estrea un novo feirón para os cuartos xoves do mes
Celébrase na explanada do paseo marítimo do Burgo
Complementa o feirón tradicional dos segundos domingos de mes entre Vilaboa e Acea da Ama
O concello de Culleredo amplía cunha segunda convocatoria o seu tradicional feirón dos segundos domingos de mes. O novo mercado celebrarase os cuartos xoves do mes, na explanada do paseo marítimo no Burgo.
"Xa temos un feirón en Culleredo, e demandábannos un segundo feirón" explica Mario Iglesias, concelleiro de Comercio. "Fixemos no Burgo unha experiencia na pandemia, resultou moi ben, e decidimos facer outra feira para que a xente poida vir comprar aquí", engade.
Á estrea acudiron 56 postos, 41 de produtos téxtiles e 15 de alimentación. Feirantes e compradores valoraron positivamente esta nova cita, que se vai celebrar cada cuarto xoves de mes, agás o de xullo polas festas e o de decembro polo Nadal.
Os segundos domingos do mes, a cita seguirá sendo no feirón de Vilaboa-Acea da Ama.
