Debate arredor da invasión do espazo público polas terrazas da hostalería

Os locais de hostalería foron os máis damnificados da pandemia e daquela os permisos para ampliar as terrazas supuxeron un alivio para eles pero agora, coa volta á normalidade moitos cren que toca regular de novo a situación.

Moitos veciños cren que invaden os espazos públicos das cidades e deixan aos condutores sen prazas para estacionar.

Tamén hai quen aposta pola súa continuidade e considera que as terrazas non molestan a ninguén.

Outros opinan que a instalación de terrazas a pé de asfalto son perigosas e moitos lamentan o feísmo orixinado arredor delas. Sen control nin normativas os veciños denuncian a presenza de todo tipo de materias, dende plásticos ata madeira.

O futuro destas particulares terrazas está agora en mans dos concellos e das súas ordenanzas.