Atopan restos do avión en que viaxaba o millonario alemán Schaller e a súa familia
Atopan restos do avión en que viaxaba o millonario alemán Schaller e a súa familia
Rainer Shaller é o fundador dos ximnasios McFit, con 250 centros en Europa, dous deles en Galicia
O aparello viaxaba de México a Limón e o contacto por radio co aeroporto de Barra de Parismina cesou de xeito repentino o venres pola tarde
O modelo de avión Piaggio 180 en que viaxaba a familia /Arquivo
As autoridades de Costa Rica localizaron este sábado no mar Caribe restos dun jet privado en que viaxaban cinco pasaxeiros alemáns e que desapareceu dos radares o venres pola noite.
O 28 quilómetros do aeroporto de Limón os equipos de rescate divisaron restos aparentemente indican que é a aeronave desaparecida, asegurou o viceministro de Segurdiade costarricense. Polo de agora non atoparon corpos ou persoas con vida.
Entre os tripulantes estaba o millonario e fundador da cadea de ximnasios McFit, Rainer Shaller, a súa parella e os seus fillos, ademais doutro home.
A aeronave executiva procedente de México rumbo a Limón perdeu o contacto coa torre de control do aeroporto Juan Santamaría o venres pola tarde mentres voaba pola zona de Parismina no Caribe costarricense.
As autoridades comezaron a busca tanto no propio país coma nos veciños para verificar datos coa participación de Gardacostas e de Vixilancia Aérea.
Shaller fundou a cadea Mc Fit en 1996 e conta xa con 250 ximnasios en Europa, dous deles en Galicia, (A Coruña e Vigo). É o máximo responsable tamén do festival de música Loveparade.
