Suspéndese a busca do home de Meis, pero continúa a de Ribadeo
Suspéndese a busca do home de Meis, pero continúa a de Ribadeo
O home declarou que a súa fuxida foi voluntaria
En Ribadeo continúan os labores de rastrexo
Remata o operativo de busca do veciño de 48 anos da Armenteira, en Meis, despois de nove días, xa que o home apareceu e dixo que súa fuxida foi voluntaria.
Lembramos que nesta despregadura un equipo especialistas do Grupo de Actividades Subacuáticas da Garda Civil está en Cambados para peitear o río Umia
O coche do desaparecido aparecía mal aparcado na zona da ponte de Covas de Lobo. A Policía púxose en contacto coa familia para interesarse polo sucedido e o luns puxeron a denuncia.
Varias unidades da Garda Civil rastrexaron as beiras do río, desde o lugar onde estaba o vehículo ata a desembocadura entre Sisán e Castrelo. Tamén se mobilizou un helicóptero que sobrevoou a zona.
Segue o rastrexo en Ribadeo
Con todo, continúan na procura en Ribadeo de Francisco Barcia Veiga, de 84 anos. Falta da súa casa dende o mércores da semana pasada. Patrullas da Garda Civil e brigadas forestais da Consellería do Medio Rural rastrexaron varias zonas do municipio coa axuda de membros de Protección Civil. As tarefas de busca desenvólvense por terra, aire e tamén na zona da ría.
