Desartellada unha rede que cortaba árbores en leiras alleas falsificando os permisos
Desartellada unha rede que cortaba árbores en leiras alleas falsificando os permisos
Hai catro homes detidos veciños da Rúa, Riós, Petín e Portugal
En Ourense, a Garda Civil da Rúa desartella un grupo criminal dedicado a delitos contra o patrimonio, tras talar árbores en leiras alleas, falsificando declaracións de propietarios para obter permisos de tala na Consellería do Medio Rural.
A investigación iniciouse no ano 2022, despois de que a Garda Civil tivese coñecemento da existencia de varias denuncias pola tala de árbores sen autorización dos propietarios.
O modus operandi que seguían os integrantes desta banda era sempre o mesmo: "A localización da leira, a falsificación das declaracións responsables de poda da Xunta e a tala e subtracción das árbores para trasladalas a un aserradoiro na Rúa que era o encargado de introducir a madeira no mercado".
No marco da investigación, foron detidos catro homes, con idades comprendidas entre 43 e 65 anos, veciños da Rúa, Riós, Petín e Portugal.
A Garda Civil impútalles 29 delitos de furto e outros 17 de falsificación de documento público, un delito de receptación e outro de pertenza a grupo criminal, ademais de tomar declaración en calidade de investigado ao dono do aserradoiro pola tala dunha gran cantidade de piñeiros e castiñeiros, procedentes de leiras de explotacións agrícolas.
O material subtraído ascende a 126.800 euros.
