Todo listo en Viveiro para vivir a Semana Santa

En Viveiro levan un mes preparando os pasos da Semana Santa. Hai que limpar e vestir as imaxes. Os traxes dos confrades xa están listos.

Declarada de Interese Turístico Internacional, a Semana Santa de Viveiro conta con imaxes de gran valor, que tamén hai que preparar con antelación. Cóidanse todos os detalles.

E todo se fai de balde, por voluntarios que lle dedican o seu tempo.

Con todo xa ultimado, desde o próximo sábado xa se pode visitar a antesala do museo que alberga boa parte das imaxes da Semana Santa viveirense.