Deteñen unha muller por ameazar cun coitelo a súa filla en Vigo

A Policía Local de Vigo detivo unha muller por ameazar cun coitelo a súa filla de 14 anos. A muller detida mostrou unha actitude moi agresiva coa menor ao estragar a festa de Aninovo que estaba a celebrar cuns amigos na vivenda familiar.

Foi un irmán da rapaza, tamén menor de idade, quen avisou a policía ao ver que súa nai mostraba unha actitude violenta.

Ao chegar ao lugar os axentes escoitaron gritos e a propia muller confirmaba o acontecido, polo que foi detida por ameazas no ámbito doméstico.