Ingresa en prisión o home acusado de provocar o incendio que arrasou a casa da súa veciña en Boborás
Ingresa en prisión o home acusado de provocar o incendio que arrasou a casa da súa veciña en Boborás
Ingresa en prisión o home acusado de provocar o incendio que arrasou a casa da súa veciña en Boborás
As lapas queimaron os cans que estaban no interior da vivenda
O lume tamén afectou á vivenda do suposto autor
Un home de 66 anos foi detido por provocar o incendio que arrasou a vivenda da súa veciña o sábado pola tarde en Boborás.
Despois de prestar declaración, na que recoñecía selo autor do lume, ingresaba en prisión.
Foi no pequeno núcleo de San Bartolomeu. A vivenda, de madeira no interior, ardeu rapidamente. Afortunadamente non había ningunha persoa dentro no momento do incendio, pero si faleceron os cans da familia. No lume tamén resultou afectada a vivenda do detido.
A central de Emerxencias 112 recibiu o aviso do lume que afectaba unha vivenda do lugar de San Bartolomeu en Cameixa, no concello de Boborás, contra as nove da noite.
Solicitaron a colaboración de Urxencias sanitarias do 061, dos bombeiros do Carballiño, do GES de Avión, da Garda Civil e dos voluntarios de Protección Civil de Boborás. O distrito forestal da zona tamén colaborou na extinción das lapas.
A muller propietaria da casa, sufriu unha crise nervosa tras lembrar que perdeu ademais das mascotas todos os seus enseres persoais.
