Deteñen un home por provocar polo menos tres incendios en Xinzo de Limia

Detido un veciño de San Pedro de Laroá, en Xinzo de Limia, como presunto autor de tres incendios forestais nas proximidades do lugar. O home, de 50 anos, que pasará nas próximas horas a disposición xudicial, xa ameazara os veciños con prenderlle lume á aldea.

As pescudas comezaron hai un ano, a consecuencia de 10 incendios que se orixinaran nos últimos anos moi preto das vivendas. Polo de agora tan só se lle atribúen tres deles, pero non desbotan a posibilidade de que sexa autor de máis incendios.