Detidas trece persoas por compra de votos en Albudeite (Murcia)
Detidas trece persoas por compra de votos en Albudeite (Murcia)
Entre os detidos atópase a candidata socialista á alcaldía Isabel de las Dolores Peñalver
A operación da Garda Civil foi en Albudeite, un municipio de 1.300 habitantes, e comezou por unhas escoitas no marco dunha operación antidroga. Así descubriron a presunta compra de votos por correo a cambio de diñeiro.
Arrestaron 13 persoas. Entre elas, a candidata a alcaldesa polo PSOE Isabel Peñalver. E tamén un integrante da candidatura socialista á Asemblea autonómica de Murcia, Héctor Martínez.
Todos quedaron en liberdade con medidas cautelares despois de declarar ante un xuíz. A investigación continúa aberta e baixo segredo de sumario.
O Partido Popular, que goberna en Albudeite, pídelle ao PSOE que reaccione e limpe o partido dos que corrompen a democracia.
No PSOE de Murcia din que non lles tremerá o pulso ante calquera práctica ilegal e que de confirmárense os feitos expulsarán a todos os implicados.
Podemos e Izquierda Unida reclamáronlle á Xunta Electoral como medida cautelar que non se contabilice o voto por correo nesta localidade de forma temporal ou que se deposite nunha urna separada.
