Detido un home en Vigo acusado de violar unha moza nun local de ocio

Deteñen un home de corenta anos como suposto autor dunha agresión sexual ocorrida nos baños do Palacio da Oliva de Vigo.

Segundo fontes coñecedoras da investigación, os feitos ocorreron na madrugada do pasado sábado 13 de xullo.

Os amigos da vítima observaron como a muller saía do baño desorientada, polo que alertaron á súa parella. Nun primeiro momento, ela asegurou que deberan botarlle algo na copa.

A muller, en estado de shock, foi trasladada a un centro de saúde en que activaron o protocolo de agresións sexuais e foi derivada ao hospital Cunqueiro.  

O suposto autor do ataque foi detido pouco despois cando circulaba co seu Lamborghini polas rúas de Vigo.