Detido un mozo tras circular 30 quilómetros en sentido contrario pola autovía AG-64

A Garda Civil interceptou un mozo que circulou en sentido contrario pola autovía entre Ferrol e Vilaba máis de trinta quilómetros. Trátase dun veciño de Culleredo, de 22 anos de idade, que deu positivo en alcol e outras drogas.

Entrou na AG-64 nas Pontes e foi en dirección Ferrol polos carrís de sentido Vilalba ata que o detiveron á altura de Narón.

Terá que responder nun xuízo rápido acusado de dous delitos contra a seguridade viaria, que lle poderían custar ata seis meses de prisión, ademais da perda de seis puntos e mil euros de sanción.