Detidos dous veciños do Barco de Valdeorras como presuntos autores de varios roubos
Detidos dous veciños do Barco de Valdeorras como presuntos autores de varios roubos
Os axentes puideron constatar que os patróns de conduta non coincidían. Tratábase de dous autores sen vinculación entre eles.
Mais ás veces compartían o mesmo 'modus operandi', como escachar cristais con tapas de sumidoiros ou bombonas de butano
A Garda Civil detivo dous veciños do Barco de Valdeorras (Ourense), de 33 e 37 anos de idade, como presuntos autores de varios delitos de roubo con forza en establecementos comerciais da localidade.
Segundo informa a Policía nun comunicado, a investigación comezou a finais do ano pasado, tras ter coñecemento dun incremento de roubos en locais do núcleo urbano do municipio, o que xeraba "grande alarma social" entre veciños e propietarios de negocios.
Os axentes puideron constatar que os patróns de conduta non coincidían en todos os ilícitos penais, determinando así que se trataba de dous autores sen vinculación entre eles, pero que ás veces compartían o mesmo 'modus operandi', como escachar cristais con tapas de sumidoiros ou bombonas de butano.
Por iso, detívose a un home ao que se lle imputa a autoría dun delito de furto de patinete eléctrico e sete roubos con forza en establecementos comerciais, onde tras violentar os cristais accedía ao interior e apoderábase da recadación das caixas rexistradoras.
O outro arrestado acúsano de 11 delitos de roubo en negocios e outro nunha oficina sindical, onde levou portátiles e unha caixa de caudais que contiña 1.900 euros.
Os detidos contan con varios antecedentes delituosos, en gran maioría pola comisión de delitos contra o patrimonio, e foron postos á disposición xudicial do Xulgado de Instrución do Barco de Valdeorras.
