Detonado un obús da Guerra Civil grazas á memoria dun veciño

Un obús de 50 quilos, dos tempos da Guerra Civil, foi localizado e detonado grazas á memoria dun veciño.

Sucedeu na localidade zaragozana de Maella. Un ancián, que tiña seis anos cando se produciu un bombardeo da aviación italiana, lembraba o lugar onde caeu un obús que non chegou a estoupar.

Deu o aviso, porque no lugar, un antigo curral, estaban a facer obras. Coa axuda de detectores de metais a Benemérita logrou localizar o potente explosivo e despois foi detonado nunha zona acordoada, nas aforas da localidade.