Dezaoito turistas españois seguen atrapados nun hotel en Etiopía

Os dezaoito turistas españois, entre eles unha menor de 13 años, levan desde o mércores pasado atrapados nun hotel na rexión de Amhara, situada no noroeste do país africano, por mor dos enfrontamentos entre o Exército e milicias rebeldes.

O Ministerio de Asuntos Exteriores recomendábanlles esta mañá que non saian do hotel ata que se calme a situación. Un dos obxectivos é que aumente a seguridade nas estradas para poder chegar ao aeroporto máis próximo. A Embaixada de España na capital etíope está en contacto este domingo co grupo, que viaxou a unha zona considerada polo Ministerio de Exteriores como de alto risco e á que roga "encarecidamente" non ir.

A web de Exteriores explica que debe evitarse esta área debido aos "periódicos enfrontamentos de base étnica, á insurxencia armada e ás tensións entre as milicias e exército federal". O venres pasado o Goberno etíope declarou o estado de emerxencia despois de semanas de tensións crecentes.