O sorriso, un xesto que libera hormonas, fainos máis felices e menos estresados
O sorriso, un xesto que libera hormonas, fainos máis felices e menos estresados
O sorriso libera endorfinas e serotonina que nos liberan do estrés e melloran o estado de ánimo
Hoxe celebramos o Día Mundial do Sorriso. Un xesto saudable para nós e para os que nos rodean porque, queiran que non, hai ditos populares que levan moita razón e todo todo se leva sempre mellor cun sorriso.
Hai sorrisos famosos, coma o da Mona Lisa; enigmáticos, como o que nos ofrece o profeta Daniel dende o Pórtico da Gloria; fermosos e mesmo inquietantes, coma o do Joker.
Unha linguaxe non verbal universal que provoca empatía. Todo se leva mellor cun sorriso. "Exacto. Os días grises alégranse cun sorriso".
Cando sorrimos o corpo libera endorfinas e serotonina, dúas hormonas que nos fan sentir menos estresados e máis felices.
O sorriso é, case sempre, o preludio da risa. "Eu intento sorrir sempre, a vida é curta e hai que gozar dela".
Importante non esquecelo nunca, nin sequera nos momentos máis complicados. Un sorriso pode iluminar os días escuros.
