Diego Villares: "É importante darlle confianza a quen nos levou ata aquí"

Diego Villares afronta unha nova temporada moi especial para el. Despois de anos competindo, por fin chega ao fútbol profesional, algo que destaca como "moi bonito" e "especial".

O Deportivo non ten clara aínda cal é a súa meta. Para Villares, o obxectivo irano decidindo segundo pasen as xornadas. Polo de agora, destaca a importancia dos xogadores que estiveron no ascenso, a maioría con experiencia na categoría, para o ben do equipo coruñés. 

Diego Villares destacou tamén que o cadro está tranquilo, mais que quizás chegado o día aparezan os nervios. Sobre ese debut comentou que iniciar a competición ante o Oviedo en Riazor era "unha boa pedra de toque". No referente ás fichaxes, Villares afirmou que o grupo estase adaptando ben e non ten dúbida de que ata as máis recentes, como o recén chegado, Helton Leite, remataranse acoplando exitosamente.