Dominio total de Urdaibai nunha xornada propicia para Cabo de Cruz
Dominio total de Urdaibai nunha xornada propicia para Cabo de Cruz
O equipo de Boiro foi o oitavo clasificado e sumou cinco puntos de ouro neste inicio de Liga ACT
Bueu, que exercía como anfitrión, volveu acabar no último posto
A Liga ACT viviu este domingo a súa segunda cita en augas galegas, a Bandeira Concello de Bueu. Na categoría feminina, as dúas embarcacións galegas pecharon a clasificación, con Tirán oitava e Cabo de Cruz sétima, nunha fin de semana dominada por Arraun Lagunak. As vixentes campioas lograron o dobrete na Coruña e en Bueu.
Na masculina o mellor papel protagonizouno Cabo de Cruz, que gañou a primeira quenda, e meteuse no oitavo posto final. Bueu, que remaba na casa, non puido evitar novamente o último posto. As dúas bandeiras gañounas Urdaibai que comeza a temporada tal e como rematou a anterior, asoballando aos seus rivais.
Ares impón o seu poderío en Narón
A Liga Galega de traiñeiras comezou este mediodía en Narón coa primeira proba puntuable. O gran favorito, Ares, cumpriu os prognósticos e impúxose na contra o reloxo con onde segundos de vantaxe sobre Tirán-Pereira e trece por diante de Chapela. Máis lonxe estivo Castropol, a 25.
