Dous detidos en Ourense por roubos con forza e furtos

Axentes da Policía Nacional da Comisaría de Ourense detiveron a dous homes como presuntos autores dos delitos de roubo con forza e furtos, cometidos nos barrios do Vinteún e A Ponte.

Segundo informaron fontes policiais, a primeira detención produciuse o pasado 21 de marzo, e ao sospeitoso impútanselle varios roubos, entre eles un nunha cafetería e outro nunha empresa de construción.

O 23 de marzo detívose a un segundo individuo como presunto autor dun roubo con forza nunha cafetería, de onde levou o diñeiro da caixa rexistradora.