Cargando resultados...
Dous feridos nun bus da Coruña que deu unha freada para evitar chocar contra un coche
Dous feridos nun bus da Coruña que deu unha freada para evitar chocar contra un coche
O accidente aconteceu na rúa Doutor Enrique Hervada, preto da fonte de Catro Camiños
![Autobús urbano. Concello da Coruña](https://img-g24-crtvg.flumotion.com/prog24/2024/20240516/bus_urbano_a_coruna_concello.png)
G24.gal
16/05/2024 19:46
Dúas persoas quedaron feridas nun autobús urbano da Coruña que pegou unha forte freada para evitar chocar contra outro vehículo. Sucedeu cando faltaban poucos minutos para as 18:30 horas.
Así o comunicaban os servizos sanitarios que interviñeron neste accidente ocorrido na rúa Doutor Enrique Hervada, preto da fonte de Catro Camiños.
O autobús conseguiu evitar o impacto co turismo e unha maior gravidade da situación, pero coa forza da freada ficaron feridos. Ademais do persoal do 061, desprazáronse ata o lugar efectivos da Policía Local da Coruña.