Dous meses despois dun incendio, os veciños aínda non poden usar os garaxes e os rochos

O incendio fortuíto dun vehículo calcinou o pasado 11 de febreiro un garaxe de Xuvia, en Narón. Daquela xa pasaron dous meses e, das 27 prazas que hai, moitas quedaron inservibles. 

Os prexudicados din que teñen que aparcar os seus coches fóra e que non poden acceder os seus rochos.

Culpan desta situación os seguros que, polo que contan, aínda non se puxeron de acordo nin para limpar o garaxe nin para arranxar os desperfectos valorados nuns cen mil euros.

Agora piden que comecen as obras canto antes porque este problema estase a alongar moito no tempo e que non van seguir así.