Ducias de nenos deixan mensaxes de gratitude aos sanitarios que os vacinan

Nas instalacións de Expocoruña habilitadas como centro de vacinación contra a Covid hai un mural cheo papeis de cores escritos polos nenos que recibiron alí a súa primeira dose. Grazas é palabra que máis se lee, e o corazón o debuxo que máis se repite. Os sanitarios din que este agasallo lles da forzas para continuar.

"'Grazas por coidarme', porque eles distinguen moi ben o papel da enfermería, que é o de coidar, non o de curar. Eles reflícteno así nos seus papeis, 'grazas por coidarme'. Iso emociónanos moito", di Ana Ares, a enfermeira coordinadora de vacinacion.

Os nenos están máis afeitos que os adultos a vacinarse, pero neste caso non van ao seu centro de saúde nin están co seu pediatra. Malia todo, pórtanse ben.

"Responden moi ben e plásmano nos seus debuxos ou nos seus 'post-it'. 'A min non me doeu nada' ou 'A min non me vacinaches, pero vacinaches a miña irmá e non lle doeu'. Iso agradécese moito. Dános forza para seguir vacinando", conta Ana Ares.

Non só deixan palabras de gratitude, tamén debuxos e loanzas para os que, din, son os seus heroes e súas heroínas.