O Celta B, con Domínguez e Miguel, defende a súa vantaxe en Elda
O Celta B, con Domínguez e Miguel, defende a súa vantaxe en Elda
Carlos Domínguez: "Chegamos aquí por méritos propios, agora hai que gozar. Se podemos pasar... mellor"
A pegada do C. D. Eldense e a súa solidez no Novo Pepico Amat, onde só o Athletic Club na Copa do Rei conseguiu gañar ao equipo de Fernando Estévez, medirán este sábado a ambición do Celta B, que defenderá en terras alacantinas o gol de vantaxe que logrou en Balaídos.
Co alivio que supuxo a permanencia do primeiro equipo na Liga, o filial celeste busca agora dar o salto ao fútbol profesional, un reto maiúsculo pola entidade do rival, que quedou a un só gol de lograr o billete directo para Segunda División -logrouno a SD Amorebieta-.
Non o esconde o técnico galego Claudio Giráldez, que segue dando como favorito ao seu rival pese ao 3-2 de Balaídos. O Eldense saíu vivo de Vigo pola espectacular actuación do seu porteiro Guille Vallejo, e agora agárrase aos seus bos números como local para voltear a eliminatoria. Pero o Celta B chegará a Elda con dous reforzos de luxo.
O central Carlos Domínguez, que brillou na última xornada de Liga ante o F. C. Barcelona, e o atacante Miguel Rodríguez, outro dos habituais no primeiro equipo, apuntan ao once celeste, no que non se esperan demasiados cambios.
Carlos Domínguez: "Chegamos aquí por méritos propios, agora hai que gozar. Se podemos pasar... mellor".
"Queremos ascender, pero non temos presión, con calma".
