Empeora a calidade do aire na zona máis próxima ao incendio forestal da Palma
Empeora a calidade do aire na zona máis próxima ao incendio forestal da Palma
Para os grupos de risco recoméndase a utilización de máscara que cubra boca e nariz
O incendio da Palma continúa activo, pero apenas avanza e os equipos de extinción poñen os seus esforzos na fronte que afecta o Parque Natural da Caldera de Taburiente.
O fume e as partículas que se desprenden da área queimada obrigaron as autoridades a recomendar á poboación da zona noroeste da illa que reduzan a actividade no exterior.
Despois de case catro días ardendo, o incendio forestal da Palma freou o seu avance e mantense dentro dos límites de control establecidos polos equipos encargados de extinguilo.
Das tres frontes activas, a máis complicada de atacar é a que afecta o Parque Natural da Caldera de Taburiente, onde se concentran as descargas da decena de aeronaves mobilizadas.
Sobre o terreo traballan máis de 400 persoas, entre eles soldados da UME e bombeiros chegados doutras illas canarias e de Asturias.
O empeoramento da calidade do aire polas partículas en suspensión derivadas do incendio obrigou o Goberno canario a recomendar á poboación dos cinco concellos máis próximos que reduzan ao mínimo as súas actividades no exterior.
Para os grupos de risco recoméndase a utilización de máscara que cubra boca e nariz.
Polo momento o incendio arrasou unhas 3.600 hectáreas, duascentas delas dentro do Parque Natural da Caldera de Taburiente.
.png)
