Empresas de venda en liña propoñen cobrar pola recollida a domicilio de produtos devoltos
Empresas de venda en liña propoñen cobrar pola recollida a domicilio de produtos devoltos
O sector alega perdas causadas polo abuso deste servizo, pero tamén cuestións como o incremento dos custos do transporte ou a pegada ambiental
![](https://img-g24-crtvg.flumotion.com/prog24/2022/20221017/devolucions_compras_online_171022.png)
A comodidade que supón mercar, recibir o produto na casa, probalo e, se non se está satisfeito, devolvelo sen custo ten os días contados. Por agora non está estendida a práctica, pero cada vez máis empresas propoñen a posibilidade de cobrar por recoller as devolucións no domicilio.
A causa está na carestía do transporte e o custo medioambiental. E tamén no abuso que se fai, segundo o sector, da posibilidade que se lle ofrece aos clientes.
A medida é legal desde 2014. A única condición é que o cliente sexa previa e claramente informado.
Hai usuarios que mesmo ven ben a medida, xa que lle daría algo de pulo ao consumo presencial.
Segundo as estatísticas, só o 40 por cento das devolucións supoñen recollida en domicilio.