Empresas familiares galegas: cando a remuda xeracional é un éxito

Asociadas a sectores tradicionais como a pesca, a construción naval, as conservas ou a moda, para se manteren en activo actualmente afrontan a cada vez máis difícil remuda xeracional.

Algúns conségueno, e con éxito, como a empresa de Yolanda en Vigo e a saga dos Alonso en Lugo.

As mulleres son maioría na dirección das empresas familiares galegas, que representan máis do 92 por cento dos negocios asentados en Galicia. Son oitenta mil firmas, a maioría pequenas, que empregan en total 447.000 traballadores. Só en 2022 facturaron 96.000 millóns de euros.

Para a Asociación Galega de Empresa Familiar, estas diferéncianse, sobre todo, en ser de sectores considerados tradicionais e en estar máis internacionalizadas ca a media española.

Á hora de encontrar un continuador, pesa sobre todo que forme parte da familia e teña experiencia profesional na propia empresa, antes que a formación universitaria ou ter traballado noutros negocios. En Cafés Candelas a remuda xeracional nunca chegou a ser un problema, como agardan que siga sendo coa terceira xeración.

A empresa de Yolanda, cunha soa traballadora, ou a dos curmáns Enrique e Ramón, con 330, forman parte das empresas galegas que logran pasar da primeira xeración. Elas concentran o 64 % do emprego privado en Galicia, cun 81 % dos postos de traballo fixos e o 73 % da facturación total.