Equiocio, un evento de miles de persoas con cero residuos

Tras calquera festa, concerto, ou evento social ou deportivo ao aire libre adoitar quedar un recinto con lixo, desperdicios e refugallo. Concienciar os cidadáns para manter unha conduta cívica e respectuosa coa natureza, tamén nos momentos de lecer, é o obxectivo da xornada de limpeza que Equiocio Ferrol organizou hoxe en Covas.

"Unha parte máis de Equipocio é limpar o espazo natural que temos aquí e facémolo todos os anos ao finalizar o evento, para deixalo en óptimas condicións para o ano que vén", declarou Manuel Sendón, o presidente da Comunidade de Montes de Covas e Esmelle, propietaria dos terreos. 

"Coincienciámonos da necesidade de recoller as cousas. Moito lixo non é biodegradable e hai materias que tardan milenios en desaparecer", dixo unha das participantes. 

Yadira Tenreiro, a presidenta da Asociación de Mozos Empresarios de Ferrol  asegura que desde o incio do evento tiveron claro que a parcela debía quedar igual.

"As novas xeracións de empresarios de Galicia temos moi presente a responsabilidade social corporativa, a necesidade de deixar un mundo mellor", reflexionou.

Ana e Fede Pérez Lago,  promotores de Equiocio, ese hai trinta anos amósanse satisfeitos.

"Pasaron por aquí miles de persoas, de máis de 20 entidades sociais, deportivas... e respectamos a natureza. É o ano que menos residuos recollemos. As cousas pódense facer ben", celebraron.