España redirixirá parte dos fondos Next Generation á reconstrución de Valencia

O Goberno propoñerá á Comisión Europea antes de final deste ano unha modificación do plan de recuperación pospandemia para redirixir fondos que non se utilizaron aínda á "reconstrución e relanzamento" da economía valenciana.

"Imos presentar unha addenda ao plan de recuperación para redirixir estes fondos cara a proxectos estratéxicos que vaian máis aló da reacción inmediata, que van reconstruír, a modernizar, a ter unha economía máis resiliente e, polo tanto, máis produtiva cara a adiante", dixo este martes o ministro de Economía Comercio e Empresa, Carlos Cuerpo.