España será a sede do Mundial do 2030
España será a sede do Mundial do 2030
O Mundial desenvolverase en seis países e tres continentes
Riazor e Balaídos aspiran a acoller partidos da copa do mundo
A FIFA esixe unha capacidade mínima de 40.000 espectadores nos estadios
A copa do mundo do 2030 xa ten sede. España é un dos destinos escollidos para acoller partidos do Mundial. Será un torneo innovador, que se desenvolverá en seis países e en tres continentes. A candidatura que presentou España, xunto con Portugal e Marrocos, foi elixida pola FIFA para organizar o mundial, que disputará tamén tres partidos en Suramérica. O Uruguai acolleu en 1930 a primeira edición da copa do mundo e para celebrar o centenario a súa selección debutará na casa no 2030, ao igual que A Arxentina e Paraguai, que formaban parte da candidatura uruguaia.
Hai 15 estadios españois que optan a ter algún partido do mundial, entre eles Riazor e Balaídos, no que xa se desenvolveron encontros da copa do mundo en 1982. Nos dous casos precisan aumentar a súa capacidade porque a FIFA esixe un mínimo de 40.000 asentos.
