Efectos en España da guerra en Ucraína: suba de prezos e caída das exportacións
Efectos en España da guerra en Ucraína: suba de prezos e caída das exportacións
A Unión Europea busca fórmulas para que non se dispare o prezo da electricidade
As empresas españolas exportan case 3 mil millóns de euros anuais a Rusia e Ucraína. A cifra dá unha idea do impacto que a guerra terá en España.
Un primeiro efecto vaise notar na inflación. Segundo a Fundación de Caixas de Aforro subirá entre un e dous puntos. As exportacións tamén se van ver afectadas.
E logo está o incremento do prezo do petróleo ou o gas. E a electricidade, xa o recoñece o Goberno, tamén se vai ver afectada.
A vicepresidenta primeira do Goberno, Nadia Calviño, insta os 27 a tomar novas medidas para que non se dispare o recibo da luz.
A perspectiva das empresas españolas é pesimista. Os exportadores prevén custos elevados para España e para Europa derivados das sancións a Rusia. A incerteza a nivel mundial, aseguran, provocará subas nos prezos da enerxía e doutras materias primas como os cereais dos que Rusia e Ucraína son importantes produtores.
