ERC propón rebaixar a tres anos as penas por malversar sen ánimo de lucro
ERC propón rebaixar a tres anos as penas por malversar sen ánimo de lucro
O PSOE e Unidas Podemos presentan unha emenda para incluír no Código penal un novo delito de enriquecemento ilícito para cargos públicos
O que propón Esquerra Republicana para a malversación é que as penas sexan distintas en función do ánimo de lucro do que comete o delito.
Se non hai beneficio persoal, contemplan entre seis meses e tres anos de cadea. No resto de casos manteñen as condenas actuais, que poden chegar aos doce anos de prisión. Tamén pretenden rebaixar a pena de inhabilitación a catro anos.
Con esta modificación conseguirían beneficiar case corenta exaltos cargos da Generalitat con causas abertas, varios dos condenados polo procés e os fuxidos a Bélxica, entre eles Carles Puigdemont.
O PSOE e os seus socios están abertos a debater a proposta, pero manteñen a liña vermella.
"Sempre e cando non beneficie ningún imputado por corrupción", di Pablo Echenique, de Unidas Podemos.
"Non imos aprobar nada que supoña a despenalización do uso indebido dos fondos públicos", afirma Patxi López, do PSOE.
PSOE e Unidas Podemos non presentaron emendas para a malversación, pero si unha para introducir no Código Penal o delito de enriquecemento ilícito para políticos.
Contempla penas de ata tres anos para os cargos públicos que incrementen o seu patrimonio en máis de 250.000 euros sen xustificar.
