Ester Navarrete agarda estar entre as oito mellores no Europeo de maratón

Esta fin de semana a viguesa Ester Navarrete participa no Campionato de Europa de Ruta en Bruxelas. A viguesa forma parte do equipo español de maratón. Navarrete conseguiu o bronce europeo por equipos o pasado mes de xuño no medio maratón onde ten unha mellor marca de 1:09.58 acadada en 2023. A atleta galega logrou o seu soño de competir nuns Xogos Olímpicos no mes de agosto do ano pasado nos que acabou no posto 42 e en febreiro proclamárase campioa de España de maratón cunha marca de 2:24:40, o cuarto mellor rexistro español da historia. 

O obxectivo de Navarrete será estar entre as dez mellores. "Estou nun momento de forma moi bo. Agardo estar nos oito primeiros postos e conseguir unha medalla para España por equipos" declarou a galega. Xunto a ela correrán defendendo a selección Majida Maayouf e Fátima Ouhaddou.