Esther Carrodeguas: "Tiña unha necesidade poética de falar da gordofobia"

Esta fin de semana a actriz e dramaturga Esther Carrodeguas sube aos escenarios de Santiago con dous espectáculos diferentes. O venres no Teatro Principal preséntanos unha peza de autoficción na que fala da gordofobia e da relación co seu corpo cunha grande dose de sinceridade e tamén de humor. O título é bastante elocuente: "O único que verdadeiramente quixen toda a vida é ser delgada". Pero ademais o sábado na Igrexa da Universidade presenta 'Rapadas' unha investigación escénica que parte das mulleres rapadas tras a guerra civil.