Evacuado con feridas graves un peregrino tras ser atropelado en Palas de Rei
Evacuado con feridas graves un peregrino tras ser atropelado en Palas de Rei
Foi trasladado en helicóptero ata o hospital Universitario Lucus Augusti
O peregrino, natural de Aragón, circulaba en bicicleta pola estrada N-547
O condutor do vehículo, que circulaba só, resultou ileso
Un peregrino que circulaba en bicicleta quedou ferido de gravidade tras ser atropelado en Palas de Rei.
O accidente produciuse este domingo pouco despois das tres da tarde. O peregrino, natural de Aragón, circulaba en bicicleta pola estrada N-547 cando foi atropelado por un vehículo á altura da vila luguesa de Palas de Rei.
Tras o forte impacto o home sufriu feridas de gravidade e tivo que ser trasladado primeiro en ambulancia ata o campo de fútbol municipal Os Chacotes, en Palas, para despois desde alí ser evacuado en helicóptero ata o hospital Universitario Lucus Augusti.
O condutor do vehículo, que circulaba só, resultou ileso.
