Cargando resultados...
Falece un motorista de 40 anos na autovía de acceso sur á Coruña
Falece un motorista de 40 anos na autovía de acceso sur á Coruña
Ocorreu pouco antes das cinco da tarde no quilómetro 1,5 da AC-14, á altura do barrio de Elviña
G24.gal
13/04/2024 18:25
Última actualización 13/04/2024 21:07
Un home de 40 anos faleceu este sábado nun accidente de tráfico ocorrido na autovía AC-14 da Coruña. Foi pouco antes das cinco da tarde no quilómetro 1,5 en sentido saída da cidade, á altura do barrio de Elviña.
Segundo informa a Garda Civil, a vítima pilotaba unha motocicleta que saíu pola marxe esquerda da vía e faleceu a consecuencia do impacto.
A estrada quedou cortada durante unha hora e a circulación tardou algo máis en volver á normalidade.
