Falece un operario de 46 anos dunha empresa de Narón tras sufrir un accidente laboral
Morreu como consecuencia das feridas sufridas o pasado 12 de marzo nun accidente laboral ocorrido na empresa situada no polígono industrial de Río do Pozo, en Narón
Complexo Hospitalario Universitario da Coruña (CHUAC)/Foto de arquivo/Europa Press
Un operario de 46 anos faleceu no Complexo Hospitalario Universitario da Coruña (CHUAC) como consecuencia das feridas sufridas o pasado 12 de marzo nun accidente laboral ocorrido nunha empresa situada no polígono industrial de Río do Pozo, en Narón (A Coruña).
O traballador pertencía a unha compañía que realiza traballos de gas, naval, equipos de presión, calefacción, renovables, fontanería e climatización e estaba a manipular dúas botellas de CO2 que caeron ao chan e impactaron contra a cabeza de operario.
Na compañía hai comité de empresa formado por dous delegados de CIG, outros tantos de CCOO e un d UXT, pero a empresa en ningún momento comunicou aos representantes dos traballadores nada do ocorrido.
