Falece un traballador en Ponteareas por unha caída tras sufrir unha parada cardíaca
Falece un traballador en Ponteareas por unha caída tras sufrir unha parada cardíaca
Emerxencias indicou que a morte "tivo máis relación cunha parada cardíaca previa á caída que coa propia actividade do traballo"
Foto de arquivo dunha ambulancia.
Un traballador faleceu este luns en Ponteareas tras sufrir unha parada cardíaca previa a caer desde unha carretilla. O suceso aconteceu no lugar de Vilasabroso, nunha nave para o preparado do bacallau. Emerxencias indicou que, de acordo cos sanitarios que atenderon a vítima, a morte tivo "máis relación cunha parada cardíaca previa á caída que coa propia actividade do traballo".
O accidente produciuse minutos despois das 8 horas e, tras ter coñecemento dos feitos, Emerxencias activou os protocolos correspondentes a un accidente no campo laboral, aínda que despois comprobouse o problema de saúde previo do traballador, posiblemente un infarto.
Desprazáronse ata o lugar Urxencias Sanitarias de Galicia-061, Policía local e axentes da Garda Civil. A vítima finou cando estaba sendo trasladada polos servizos de emerxencia.
