Falece unha muller cando se atopaba na auga nunha praia de Muros

Unha muller faleceu na tarde deste luns cando se atopaba na auga na praia de Anido, situada no lugar de Serres do municipio coruñés de Muros.

Sobre as 14.20 horas o servizo de Urxencias Sanitarias de Galicia deu aviso ao persoal do 112 do ocorrido.

A muller fora achada inconsciente na praia e foi rescatada por unha mariscadora. Con todo, a pesar dos intentos por reanimala, non se logrou salvarlle a vida e faleceu no punto.

Ao lugar acudiron, ademais dos servizos de Urxencias Sanitarias, a Garda Civil e o GES de Muros.